Saleum teuka
Aceh Selatan saboh wilayah nyang kaya ngon keuneubah adat ngon budaya. Nanggroe nyoe hana mantong kaya ngon pesona alam, lagee pantee, gunông, laôt ngon krueng, tetapi cit kaya ngon meubagoe suku, bahasa, adat ngon tradisi nyang ka diwariskan secara turun-temurun.
Lam kehidupan masyarakat Aceh Selatan, na meubagoe budaya nyang hana saban, tetapi ka trep that udep meusapat dan saleng menghargai. Di antara jih na lhee suku nyang ka jeuet keu bagian penting lam kehidupan masyarakat Aceh Selatan, yaitu Suku Aceh, Aneuk Jamee ngon Suku Kluet.
Keu lhee suku nyoe ka trep udep meusapat, meusambong silaturrahmi, meusaree lam kehidupan sosial, agama, pendidikan, perdagangan ngon adat istiadat.
Perbedaan bahasa ngon budaya hana jeuet keu penghalang, malah ka jeuet keu keukayaan nyang meuwarna kehidupan masyarakat Aceh Selatan.
Suku Aceh
Suku Aceh meurupakan salah saboh suku nyang wilayah udep jih luah di Aceh Selatan. Bahasa Aceh kayem geupeuguna lam pergaulan se uroe-uroe, lagee bak gampông, pasar, acara adat, kegiatan agama ngon kegiatan sosial masyarakat.
Masyarakat Aceh Selatan nyang meututoe Bahasa Aceh antara laén na di Meukek, Sawang, Pasie Raja, Bakongan, Bakongan Timur, Trumon, Kota Bahagia ngon meubagoe wilayah laén.
Bahasa ngon adat Aceh nyang berkembang di Aceh Selatan cit na keunikan jih keudroe. Lam kehidupan masyarakat, adat ngon tradisi nyan terus diwariskan dari saboh generasi u generasi selanjutnya.
Aneuk Jamee
Aneuk Jamee meurupakan salah saboh bagian penting lam keukayaan budaya Aceh Selatan. Istilah Aneuk Jamee meumakna “aneuk tamu”, nyang merujuk bak masyarakat pendatang nyang ka trep menetap, udep meusapat ngon masyarakat setempat, dan akhir jih jeuet keu bagian dari masyarakat Aceh.
Bahasa nyang geupeuguna le masyarakat Aneuk Jamee disebut Bahasa Jamee. Bahasa nyoe na pengaruh kuat dari Bahasa Minangkabau.
Lam perkembangan jih, Bahasa Jamee cit ka berbaur ngon Bahasa Aceh ngon bahasa daerah laén.
Masyarakat Aneuk Jamee leubeh leu meuduek bak kawasan pesisir Aceh Selatan, termasuk Tapaktuan, Samadua, Kluet Selatan, Labuhanhaji ngon meubagoe wilayah laén.
Keunikan Aneuk Jamee jeut ta kalon bak bahasa, adat, peunajoh, kesenian ngon tradisi nyang terus berkembang dan ka jeuet keu bagian dari identitas budaya Aceh Selatan.
Suku Kluet
Suku Kluet atawa Keluwat cit salah saboh suku asli nyang na peran penting lam sejarah ngon keukayaan budaya Aceh Selatan. Masyarakat Kluet na bahasa, adat, kesenian ngon tradisi jih keudroe.
Bahasa ngon tradisi Kluet mantong lestarè lam kehidupan masyarakat sampoe uroe nyoe. Walaupun meunan, lam kehidupan se uroe-uroe, masyarakat Kluet cit mampu meututoe Bahasa Aceh, Bahasa Jamee ngon Bahasa Indonesia.
Kondisi nyoe menunjukkan bahwa masyarakat Kluet mampu beradaptasi ngon masyarakat nyang meubagoe bahasa ngon budaya. Nyoe cit jeuet keu salah saboh contoh pakiban perbedaan budaya hana jeuet keu penghalang keu udep meusapat dan saleng menghargai.
Keunikan Aceh Selatan hana mantong teuka dari lhee suku nyan. Nyang leubeh menarik adalah pakiban masyarakat Aceh, Aneuk Jamee ngon Kluet ka trep meusahoe lam kehidupan se uroe-uroe.
Hubungan nyan jeut ta kalon lam perkawinan, perdagangan, pendidikan, kegiatan agama, adat ngon kegiatan sosial. Proses nyoe lambat laun melahirkan kebiasaan-kebiasaan barô tanpa meupeugadoh identitas adat ngon budaya asli maseng-maseng suku.
Salah saboh hai nyang menarik bak masyarakat Aceh Selatan adalah kemampuan masyarakat jih lam meututoe leubeh dari saboh bahasa. Bak wilayah nyang masyarakat jih udep meusapat, hana jarang sidroe ureung mampu memahami Bahasa Aceh, Bahasa Jamee, Bahasa Kluet ngon Bahasa Indonesia.
Kondisi nyoe jeuet keu bukti bahwa perbedaan bahasa, adat ngon budaya hana jeuet keu penghalang keu ta bangun hubungan antarsesama.
Justru dari perbedaan nyan lahir keukayaan budaya nyang ka jeuet keu ciri khas Aceh Selatan: lhee suku ngon meubagoe bahasa, tetapi udep meusapat lam saboh nanggroe. ***
