Saleum Teuka
Aceh nyoe saboh nanggroe nyang kaya ngon seujarah, adat istiadat, budaya, ngon nilai-nilai agama. Tanoh Aceh nyang geupeugah nanggroe endatu nyoe ka jeuet keu pusaka nyang geupeuturi bak geutanyoe ban mandum.
Aceh kon mantong kaya ngon sumber daya alam, tapi cit kaya ngon seujarah, adat, budaya, agama, ngon semangat rakyat jih. Mandum nyan jeuet keu modal rayeuk keu Aceh dalam membangun masa ukeu.
Modal nyan kon mantong harta benda. Adat, budaya, agama, sumber daya alam, sumber daya manusia, ngon semangat meusaho lam udep masyarakat cit merupakan modal nyang hana ternilai.
Seujarah ka meutuleh tentang perjuangan, keberanian, ngon semangat rakyat Aceh nyang hana mudah patah. Endatu geutanyoe ka peutinggai pusaka nyang rayeuk that. Pusaka nyan jeuet keu tanggung jaweub geutanyoe keu jaga, peulihara, ngon peutamong keu aneuk cuco, supaya hana gadoh ditelan zameun.
Aceh na adat ngon budaya nyang meugah. Adat jeuet keu peununtun lam udep masyarakat. Meunan cit ngon nilai-nilai agama nyang jeuet keu peudoman bak tingkah laku udep seuroe-uroe.
Adat ngon budaya Aceh na nilai nyang that berharga. Meusaho, gotong royong, musyawarah, peumulia jamee, ngon rasa persaudaraan ka jeuet keu bagian nibak udep masyarakat Aceh sejak jameun endatu.
Bak gampong-gampong, adat ngon budaya jeuet keu peukong hubungan antara rakyat. Mukim, keuchik, tuha peut, ngon tokoh masyarakat na peran nyang rayeuk bak jaga adat, peusapat rakyat, ngon peukong persatuan.
Meunyoe adat ngon budaya terus geujaga ngon geupeukaya, nyan jeuet keu modal sosial nyang kuat keu pembangunan nanggroe. Sebab, pembangunan kon mantong soal bangunan ngon jalan, tapi cit bagaimana masyarakat udep meusapat, meusaree, ngon saling peumulia.
Aceh na kekayaan alam nyang rayeuk. Mulai nibak laôt, uteuen, gunong, blang, sampoe bak hasil pertanian ngon perikanan. Kekayaan nyan merupakan modal nyang rayeuk keu peukong perekonomian ngon kesejahteraan rakyat.
Tapi, kekayaan alam hana cukup meunyoe hana geukelola ngon bijaksana. Perle na perencanaan nyang matang, peugot lapangan kerja, peukong usaha masyarakat, ngon jaga kelestarian lingkungan.
Kekayaan alam beu jeuet keu rahmat keu rakyat, bek sampoe malah jeuet keu sumber masalah keu generasi masa ukeu.
Pembangunan nyang meuguna hanjeut mantong geukira nibak padub na bangunan nyang geupeugot atawa padub na jalan nyang geubangun. Nyang leubeh utama adalah padub rayeuk manfaat pembangunan nyan keu kesejahteraan rakyat.
Aneuk muda Aceh na peran nyang rayeuk bak menentukan masa ukeu nanggroe. Pendidikan, peungetahuan, keterampilan, ngon teknologi jeuet keu modal penting keu menghadapi perkembangan zameun.
Generasi muda perle geupeukong semangat belajar, beurani meucuba, kreatif, inovatif, ngon mampu meusapat ngon perkembangan zameun.
Tapi di teungoh kemajuan teknologi ngon perubahan zameun, nilai agama, adat, ngon budaya Aceh beu tetap geujaga.
Kemajuan hanjeut jeuet keu alasan keu tinggai jati droe.
Meunyoe generasi muda meupendidikan, meuketerampilan, ngon tetap meupijak bak nilai agama serta budaya, Aceh na peluang nyang leubeh rayeuk keu maju ngon sejahtera.
Aceh na masyarakat nyang teuka nibak beubagoe suku, bahasa, ngon latar belakang budaya. Perbedaan nyan kon keu peumisah, tapi jeuet keu kekayaan nyang peukaya khazanah nanggroe.
Persatuan, gotong royong, ngon musyawarah harôh jeuet keu landasan bak pembangunan. Pemerintah ngon masyarakat meuchèh meusapat, meupakat, ngon bekerja sama demi kepentingan rakyat.
Perbedaan pandangan hana seumesti jih jeuet keu sabab peupisah. Musyawarah ngon rasa persaudaraan harôh jeuet keu jalan keu mita mufakat.
Nanggroe nyang kuat kon mantong nanggroe nyang kaya ngon sumber daya alam. Nanggroe nyang kuat adalah nanggroe nyang rakyat jih meusatu, meupendidikan, meuketerampilan, ngon udep sejahtera.
Nanggroe Aceh adalah modal geutanyoe ban mandum. Seujarah, adat, budaya, agama, kekayaan alam, ngon generasi muda merupakan pusaka sekaligus modal nyang hana terpisahkan keu masa ukeu Aceh.
Endatu ka peutinggai pusaka. Jinoe tanggung jaweub nyan na bak geutanyoe. Tanggung jaweub geutanyoe adalah jaga pusaka endatu, peukong persatuan, peukaya peungetahuan, jaga alam, ngon membangun nanggroe ngon semangat meusaho serta gotong royong.
Bek sampoe pusaka nyang ka geupeutinggai endatu gadoh bak jaroe generasi geutanyoe. Bek sampoe kekayaan alam habeh, adat ngon budaya gadoh, sementara aneuk cuco geutanyoe hana meuteumeung manfaat nibak pusaka nanggroe droe.
Aceh Nanggroe, tanoh pusaka geutanyoe. Jaga adat, peukong persatuan, peukaya peungetahuan, jaga alam ngon pusaka endatu, demi Aceh nyang maju, damai, ngon sejahtera.***
